نصآآآيح عربجي منتهي !!!! ,,, طبقووهآآ ,,,

    شاطر
    avatar
    Anas.A.R
    المدير العام
    المدير العام

    ذكر عدد الرسائل : 171
    علم دولتك :
    تاريخ التسجيل : 05/10/2008

    نصآآآيح عربجي منتهي !!!! ,,, طبقووهآآ ,,,

    مُساهمة من طرف Anas.A.R في 14/10/08, 10:51 am


    بسم الله نبدأ ..






    خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...


    الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...


    ثم ..


    تقوله شيل الكتب .. ومرة ثانية فتح عيونك يالوح ..




    خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم


    تلوح بيدك تتأسف ...


    الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ...


    واجلده لمين يقول العيد الليلة ...


    ثم ..


    قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..






    خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب


    بوجهك .. ثم تروح وانت متضايق ...


    الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..


    ثم ..


    طلع راسك اللي كبر البعير مع الدريشه... واضحك ..



    خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم


    صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه


    الله يرجك والله لارد لك المقلب ..


    الصحيح : تمسكه ... مع رجليه ... وتصبخه بالارض صبخ ... وتجيب الببس .. وترجه رجا مبرحا ... ثم تفتحه بوجهه ...


    ثم ..


    تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر


    الموجودين .. والا تدري !! ...


    ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...




    خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...


    وتتركه ... وتلقاه حالقن نص شنبك ... ثم تهاوشه هواش ... وتحاسب وتطلع ... وتقول بنفسك والله ماعمري أحلق عنده ...


    الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
    ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) .. ثم ..


    قل بينك وبين نفسك ... ماعمري أحلّق عنده ...




    خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...


    الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
    وإن ماضربته ... خذ عصا .. وامسكه واجلده ...
    إن صاح خير ونعمة ...
    وإن ماصاح .. فاتركه ... ورح صل وخلص مشواريك... ثم ارجع له .. وتفرّغ له ...
    أكيد مهو متحمل لمين وقت الصلاة الثانية ... وعلى مسؤوليتي بصيح .. .





    خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..


    الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني]




    خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
    ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..


    الصحيح : دق على محل صحون دشاشه ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب 15 دش .. الليلة ..
    ثم واصل للصبح ...




    خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟


    الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...




    خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم


    الصحيح :المفروض تكتب اذا طولت هذا شيء راجع لى وبكيفى وإلا من قال لكم تقرون موضوعي مع سلامي لأحلى اعضاء


    وخطا انك تقرا الموضوع وبعد ماتضحك وتخلص من القرايه تروح لقسم الالعاب ولا

    لصندوق المحادثات بدون ماترد على موضوعي
    avatar
    Anas.A.R
    المدير العام
    المدير العام

    ذكر عدد الرسائل : 171
    علم دولتك :
    تاريخ التسجيل : 05/10/2008

    رد: نصآآآيح عربجي منتهي !!!! ,,, طبقووهآآ ,,,

    مُساهمة من طرف Anas.A.R في 27/10/08, 03:57 am

    ههههههههههههههههه
    موضوع جميل
    شكرا عالمرور
    Neutral
    avatar
    MoOoOoDy
    عضو ماسي
    عضو ماسي

    ذكر عدد الرسائل : 133
    العمر : 25
    الاقامة : qatar
    الجنسية : palestine
    العنوان : very quiet
    الأوسمة :
    تاريخ التسجيل : 07/10/2008

    رد: نصآآآيح عربجي منتهي !!!! ,,, طبقووهآآ ,,,

    مُساهمة من طرف MoOoOoDy في 10/11/08, 04:00 am

    ههههههههههههههههههههه
    الخطأ:بس انشاالله ما كون طولت عليك
    مــوضــوع رائــع يسلمو وتقبل مروري

      الوقت/التاريخ الآن هو 19/10/17, 05:09 pm